दिनविशेष २० जून

दिनविशेष २० जून
लक्ष्मणराव काशिनाथ किर्लोस्कर- किर्लोस्कर उद्योग समूहाचे संस्थापक
जन्म - २० जून, इ.स. १८६९

लक्ष्मणराव काशिनाथ किर्लोस्कर (लकाकि) ( २० जून, इ.स. १८६९ - २६ सप्टेंबर, इ.स. १९५६) हे मराठी, हे भारतीय उद्योजक होते. ते किर्लोस्कर उद्योग समूहाचे संस्थापक होते.

इ.स. १८८८ साली त्यांनी बेळगावात सायकल दुरुस्तीचे दुकान थाटत व्यावसायिक क्षेत्रात आपले पहिले पाऊल टाकले. शेतीसाठी त्यांनी बनवलेले लोखंडी नांगर हे पुढे विस्तारलेल्या किर्लोस्कर समूहाचे पहिले उत्पादन होते. किर्लोस्करवाडी येथे त्यांनी इ.स. १९१० साली कारखाना काढला; तसेच कारखान्यातील कर्मचाऱ्यांसाठी औद्योगिक वसाहत स्थापली.

किर्लोस्कर समूहाची धुरा त्यांच्यानंतर त्यांचे पुत्र शंतनुराव किर्लोस्कर यांनी सांभाळली.